E arkitecto Vittorio Gregotti, a fayece awe na edad 92 aña pa causa di coronavirus. El a contribui na dibuha e paisahe ubano di Italia, cu ta recorde como un di e tatanan di arkitectura moderno pa su diseñonan di lineanan recto y su ideanan di urbanismo. El a diseña e Estadio Olimpico di Barcelona pa e Weganan Olimpico 1992.
Gregotti tabata interna den e clinica milanes San Giuseppe y el a muri door di un pulmonia, cu a bira mas grave door di coronavirus. E pandemia cu ta azotando Italia, cu mas di 21.000 hende contagia y por lo menos 1.441 morto, segun e ultimos datonan. E noticia di su morto a ser duna pa otro di e arkitectonan grandi contemporaneo, Stefano Boeri, pa ken e tabata un maestro di arkitectura internacional.
