Bo ta na cas sin por bay gym durante e crisis aki di coronavirus COVID-19 pa cuida bo salud y di otro persona, sin embargo bo por mantene bo mes fit siguiendo e rutina di ehercicio aki di Shamira Clara. E tin su Personal Trainer Certification obteni na Canada y semper el a practica deporte. E ta defini deporte hopi mas cu solamente salud fisico, e ta salud mental tambe. Deporte ta parti di su bida desde su hubentud. E ta wak deporte manera un celebracion di locual bo curpa por logra haci.
Completa 3 set di cada ehercicio manera instrui. Descansa 30 seconde despues di cada set. Recomendabel pa haci esaki 3 biaha pa siman na cas. Locual cu bo mester ta 2 dumbbell y un mat di ehercicio. Ta importante pa bo cera bo ‘core’, mientras bo ta practica e ehercicio.
