Si un luna pasa nan lo a bisa cu nos lo tin cu bay biba den e situacion actual, probablemente e mayoria lo a pensa cu esaki ta un script di un pelicula di Hollywood. E realidad ta cu nos mester obedece e medidanan cu gobierno a impone. Cuarentena aworaki ta primordial pa reduci e riesgo di contagia cu coronavirus pa evita cu lo sigui plama e virus contagiando asina mas hende den e comunidad. Aunke nos tin algun dia na cas ya hopi a cambia nan custumber di bisti paña pa bay traha, pa sistitui esaki pa e look clasico di pyama y slof.
Bo ta pertenece na e grupo aki? Awel no ta nada recomendabel ni pa bo estado fisico ni bo salud mental, y no ta nos ta bisa esaki. Numeroso estudio sicologico, manera esun cu a keda publica recientemente pa ‘Colegio Oficial de Psicología de la Comunidad de Madrid’, cu ta afirma pa enfrenta aislamento ta clave pa mantene bo rutinanan diario, eynan ta bin e parti di bisti netjes y no laga flohera bira doño di nos y nos alegria.
Si bo ta haya bo mes ta mustra bon dilanti spiel cu pañanan di sali, di forma indirecto bo cerebro ta relaciona e vestuario cu a realisa un actividad diferente, y asina pocopoco bo ta logra ta mas contento y reduci e nivelenan di ansiedad produci pa e cuarentena. No kiermen cu bo mester bisti bo business suit cu bo ta atende reunionnan importante ni e dashi cu bo a bisti pa bay casamento di bo miho amigo, simplemente adkiri un serie di habito pa ta bek e siman aki den armonia cu bo closet.
STYLISH DEN TEMPO DI CORONAVIRUS? SÍ, TA POSIBEL
– Mantene bo rutina di cuido matinal:
Si bo tin un hora determina pa cuminsa prepara pa bay traha, aunke awor bo no mester sali di cas, no prescindi di bo tempo pa drecha y prepara bo mes. Dal un un douche revitalisante, feita, peina y perfuma como si fuera bo ta sali.
– ‘Pamper’ bo mes:
E enciero no ta significa cu bo ta laga un banda un rutina di cuido. Es mas, awor mas cu nunca ta resulta beneficioso pa duna bo mes extra treatments. Mask, exfoliante, crema… Pensa cu bo tin e tempo pa esakinan haci nan efecto y sin mester di sali di cas problemente bo ta mas constante.
– Combinacion facil y elegante:
Un t-shirt casual, camisa blanco y jeans, un denim look. Den fin di siman cambia e rutina y opta mas pa e smart look.
– Un acesorio dibertido pa ‘afterwork’:
For di un dashi, un cap of cufflinks cu tanto bo ta gusta. Ora bo tin un meeting via webcam of un encuentro di amigo via ‘Facetime’, si bo kier sigui mustra un imagen impecabel, cuida bo style.
– Bay supermercado bisti netjes:
E excuus perfecto pa sali for di e cuater murayanan di cas aunke sea pa un rato. Apesar cu bo mester ta hopi consciente pa mantene distancia y no mishi cu bo cara, si bo ta mustra bon esaki por ta un ehercicio mental imaginando cu bo ta bay kiero, y bo cuarentenea por ta mas tolerabel.
– Probecha pa haci bo cashi limpi:
Kisas e cambio aki di perspectiva ta laga bo wak cu otro wowo e piezanan lubida y ta sirbi di ayudo pa deshaci por fin di loke bo no ta uza. Bo no mester tin miedo di duna loke bo no ta bisti, ademas di gana espacio, bo tin un bon excuus pa cambia bo look ora tur cos ta tras di lomba.
– Crea outfit nobo pa ora tur cos bin na normalidad:
Pas, purba y sigur bo ta descubri opcionnan nobo cu bo no a pensa, pa asina duna un bida nobo na bo dressing room.
– E mas importante… Tuma esaki cu filosofía y pensa cu no ta pa enternidad, den algun siman bo ta agradicido cu bo no a descuida bo mes mientras bo tabata na cas den cuarentena.
