• Gradici bo mes pa bo propio cualidadnan y no keda wak e cosnan malo di bo so. 

• Realisa tur loke b’a siña y no compara bo cu otro riba niun tema, paso bo lo menosprecia bo mes. Pensa riba tur loke b’a siña y con bo a crece y cu ainda bo por siña hopi mas. 

• Hari bo mes ta un arma cu bo por uza semper, ora bo ta sinti malo. E ta un gran virtud, pa tin e capacidad pa haci chiste di bo mes. Probecha di e defectonan cu abo ta wak y hari di nan. Bo defectonan tambe ta parti di e ser espectacular cu bo ta. 

• Descubri loke ta haci bo sinti bon y abusa di esey. Dedica na bo mes, sin sinti culpa di ta egoista. 

• Consenti bo mes y cumpli cu bo caprichonan, specialmente si bo ta pasando den un dia of periodo dificil. 

• Pensa cu bo merece lo miho y cu bo a bin na mundo pa ricibi lo miho cu e luga aki tin pa bo y ta bo obligacion pa sali busc’e. 

• Uza loke ta haci bo feliz y lubida di satisface otro y djis satisface bo mes. 

• Presta atencion na bo necesidadnan, bo curpa y mente ta duna bo señal, scuch’e y tur cos lo flui miho. 

• Lubida di bo defectonan, paso pensando riba nan bo no lo resolve e problema toch, pues djis laga bay. 

• Pordona bo mes, pa loke cu b’a haci contra bo mes tanto riba nivel mental, emocional of psicologico. Duna bo mes un oportunidad nobo y cambia loke mester cambia of lag’e manera e ta.

LEAVE A REPLY

Please enter your comment!
Please enter your name here