Endy Croes cu ta un persona cu tin un pasion y amor incomparabel pa e mundo di beyesa, a lansa un certamen unico y innovativo na Aruba. Su deseo ta pa conhuntamente nos purba trece un cambio y laga certamen di beyesa crece bek y duna e oportunidad pa mas persona participa. Kisas tin persona cu segun e criteria estableci no ta fit den e standarte di beyesa. Manera un hende cu ta halto ta bon pa hunga basket, pero ken a bisa cu e persona aki tin interes realmente pa hunga basket? Tin hende cu nan apariencia no ta wordo considera e standarte normal den e mundo di beyesa, pero si tin tur e otro cualidadnan rond di nan cu merece mesun oportunidad.
P’esey mester sali for di e manera tradicional di pensa, aunke no por descarta tampoco si tin un participante cu ta halto y flaco, cu ta fit den e standarte normal di certamen di beyesa no por gana e certamen. Miss Aruba Online tin 10 ‘Challenges’ cu nan mester haci y for di cual 9 di nan e huradonan mester vota. E votación ta for di 1 pa 11 cu ta esun miho bin abou pa yega na final na e ganador. E huradonan a entrega caba nan votacion pa e introduccion; “THIS IS ME”. Ban keda pendiente pa sa cua di e 11 participantenan a score den Top 5!
