Manera cu e autoridadnan concerni a informa caba, cu e distancia social di por lo menos un meter y mey ta sirbi como un manera efectivo pa evita e propagacion di coronavirus y disminui e number di contagio. Sinembargo e medida aki ta funciona efectivamente den situacionnan manera ora bo ta para den un fila na banco, supermercado of un establicimento publico, etc. Pero ki ta pasa ora ta trata di actividadnan deportivo den aire liber? Un grupo di investigadornan di Technische Universiteit Eindhoven y University of Leuven, a analisa e patronnan di movimento di ‘droplets’ cu e coredornan ta expulsa den actividadnan den aire liber. Nan a demostra cu den e escenarionan aki, e distancia entre e personanan mester incrementa, ya cu ta existi un riesgo mas grandi di propagacion di e virus, p’esey e ta un contagio exponencial.
Video cortesia instructor di ehercicio: Carlos Centeno
Bert Blocken, e autor principal di e estudio y investigador di Technische Universiteit Eindhoven, ta splica cu su investigacion ta enfoca den e movimentonan aereo di e ‘droplets’ cu un persona ta exhala ora e ta practica un deporte. E ta specifica cu esaki no ta un analisis virologico, sinembargo “e sentido comun ta conta”, Blocken ta señala. A traves di su Twitter el a añadi, cu estudionan similar riba e dinamica di biento ta indica cu e ciclistanan ta laga atras un rastro di particulanan cu por afecta e personanan den alrededor. Ora haci ehercicio den aire liber, Blocken ta sugeri tambe cu e distancia ta entre 4 pa 5 meter ora ta cana na un velocidad mediano, 10 meter ora bo ta core y 20 meter si ta practica ciclismo.
(Fuente: Diario EL COMERCIO)
