Actualmente den e crisis relaciona cu coronavirus, gran parti di comercio y empleadonan cu a perde empleo den sector priva na Aruba ta pasando den momentonan dificil. Di cuminsamento STT a para semper pa e comunidad di Aruba y den e caso aki no ta excepcion.
STT, como representante di e trahadornan di SETAR, tabatin un votacion siman pasa caminda mayoria di e miembronan a bay di acuerdo pa entrega pa yuda nos pais manera semper nan a haci. Awe diabierna STT y Director di SETAR a firma e protocol na unda ta acorda e contribucion cu miembronan di STT ta bay duna na e fondo di solidaridad. SETAR ta solidario cu sector priva den e situacion actual. Gerencia, Staf y Personal hunto cu e Hunta di Comisario di SETAR tur ta contibui hunto pa nos pais.
