Na inicio di aña 2020 den e luna di januari, Diana y Walter Mosher, a muda pa Spaña door cu Walter a haya e oportunidad di haci un Master’s Degree den Digital Business na ESADE Business School. Esaki ta un programa cu tin un duracion di casi un aña, kiermen cu nan lo ta bek na Aruba pa fin di e aña aki.  E pareha a cuminsa ‘date ‘ 11 aña pasa y nan ta hopi compatibel y aventurero di curason, cu a yuda nan yega hopi meta hunto. Nan dos ta balora experiencianan y semper a purba di pone como un prioridad den nan bida, y asina a logra bishita hopi caminda den e 8 añanan cu nan tin casa. Diana ta un influencer riba Instagram cu su pagina ‘Dwanderess’ y hunto cu su mama, Ana Conliffe, ta e propietarionan di Rejuvenate Medi Spa na Aruba.

IMPACTO COVID-19

Diana ta kere cu mescos cu pa hopi hende, e no ta algo facil di experiencia e pandemia aki, principalmente Spaña cu a wordo cataloga como un di e paisnan cu e restriccionnan mas fuerte  mundialmente. E tabata hopi dificil pa nan y no por a sali di cas pa 49 dia largo sino ta pa cumpra groceries. Tambe e ‘uncertainty’ di e consecuencianan pa su negoshi a hacie mas dificil. Entre su plannan e tabatin pa probecha biaha rond di Europa y tambe e tabatin un biahe planea for di october aña pasa, pa bay Hapon su Cherry Blossom Season na maart. Apart di esaki manera el a menciona, cu e impacto di e situacion pa nan negoshi no ta algo facil, y den caso di Walter e no por a experiencia e programa di scol mescos cu e lo tabata planea, ya cu nan a switch pa un experiencia online, cu no ta mescos cu ora bo ta fisicamente presente. Nan ta spera cu na juni, e programa lo start bek den persona. Walter cu ta un persona cu gusta practica deporte pafo, a haye basta duro p’e ta cera paden cas. Prome cu e pandemia nan tabata disfruta hopi di conoce Barcelona y cera amistadnan nobo, cual cu nan no por a sigui haci. A pesar di e ‘confinamiento’ nan rutina diario no a cambia hopi, ya cu for di momento cu nan a bin Spaña nan a cuminsa traha for di cas. Solamente den weekend nan tabata bay les ya cu Diana ta haciendo un Postgraduate den Digital Marketing y nan horario tabata mescos. Den siman nan tabatin e rutina di traha y studia caba for di cas. Pa mantene nan mes activo ambos a haci hopi yoga den cas y diferente training via youtube, etc.

‘DWANDERESS’

Diana su pagina riba Instagram ‘Dwanderess’ semper tabata mas enfoca den duna tips pa biaha cu informacion specifico di adres y e miho luganan pa bishita, pero e no tabata conta hopi di su bida personal. Den e periodo aki el a cambia esaki y el a cuminsa bira mas personal den su captions purbando di conta con e tabata ‘coping’ cu e situacion, y purbando di duna tips di locual tabata yud’e sinti miho. Dwanderess a purba di ‘spread’ un tiki di positivismo cu hopi biaha e mes tabatin mester di dje y cu el a pensa lo por a yuda otro hende tambe. El a cuminsa cushina y share e recetanan riba su stories, cu el a enjoy hopi y haya hopi bon feedback di su followers. El a bin tambe cu e idea di duna un tiki ‘value’ y siña su audiencia algo nobo. Asina Diana a cuminsa host un series di LIVES cu expertonan den diferente topico manera; tips di fotografia, tutorial di makiyahe, bienestar mental, yoga, cooking/cocktails class, pinterest marketing, etc…

Bo ta sinti cu bo ta logrando bo meta como influencer?

Mi ta kere esaki ta mas un pregunta subhetivo, pasobra mi no ta sinti cu mi tin un meta como influencer especifico. Mi ta enjoy saca potret y comparti esaki cu mi followers, cu e intencion pa nan sa unda pa bay of haci mas facil ora nan planea nan trips. Ora mi haya feedback di con nan ta sinti inspira door di mi pagina of duna mi danki pa comparti e informacion especifico, e ta sinti hopi gratificante y eynan mi ta sinti cu mi ta haciendo algo bon. E otro momento cu a pone mi sinti hopi orguyoso ta ora mi a wordo acerca door di CEDE Aruba pa comunica e iniciativa di e “Happy to Give Back” pa recauda fondo pa yuda e personanan den necesidad door di COVID-19 na Aruba. Mi tabata hopi feliz di por a yuda Aruba den e momentonan aki y ora mi a comparti esaki riba mi pagina, mi a haya hopi bon feedback di mi followers y nan a bisa mi cu nan lo bay haci donacion.

LEAVE A REPLY

Please enter your comment!
Please enter your name here