E famoso diseñadora, Vera Wang, a aparece riba e rednan luciendo un imagen cu a causa sensacion den su siguidornan. Wang cu ta cumpli 71 aña na juni proximo a mustra jong, bunita y fit den e photoshooting, cu el a realisa mientras e ta den shelter in place na su residencia na Miami.
E imagen cu a impresiona su followers y compañeronan den e industria di moda, ta unda el a pose dilanti camera cu un sport bra oranje y un short denim blanco, mustrando su abdominal, brasa y pia tonifica. Pa su di dos look el a scoge un shimis cu ruffle den capa riba hot pants preto complementando cu boots preto, un face mask cu ta match y un coyar plata hancho.
Vera Wang a comenta tambe cu e no ta gusta restriccionnan y ta disfruta drumi, traha y bebe un bon cocktail cu vodka ora e tin gana. Un cos si cu e diseñora ta evita ta bay den solo, cu ta enemigo number uno pa su piel radiante y saludabel.
E diseñadora cu den su hubentud tabata un skater profesional, ta famoso specialmente pa su trahenan di novia cu el a diseña pa varios celebridad manera; Heidi Klum, Kim Kardashian, Jennifer Lopez y Hilary Duff.
Wang recientemente a share cu su “workday fashion family” a mantene motiva durante e pandemia di coronavirus. Nan tur ta extremadamente den forma, loke a pushe pa e work out tambe mayoria di e dianan. E comunidad di moda tambe ta memey di e pandemia confrontando e crisis.
