Cu su 12 aña, Emme Maribel Muñiz, e yiu muher di JLo y Marc Anthony ta publica su prome buki. Inspira den e oracionnan di un mucha di su edad, e buki ta titula ‘Lord Help Me’ y e fondonan recauda ta pa yuda e ‘tree mammals’, cu ta su animal faborito.
E division infantil di e editorial Penguin Random House, a anuncia diaranson ultimo cu e prome buki di e yiu muhe di Jennifer Lopez, lo sali na benta 29 di September na ingles como na spaño, e dos idiomanan cu nan ta papia na cas. Emme a ricibi e oferta pa debuta como escritora dos aña pasa y su prome trabou ta titula ‘Lord Help Me’ of ‘Señor Yuda Mi’.
E historia a ser describi como ‘tierno y alentador’ y ta basa den e oracionnan cu Emma ta haci diariamente pa pidi yudansa na Dios den tur tipo di situacion, desde esnan mas cotidiano – cu e por anda bon cu su rumannan of lanta pronto pa bay scol – of otronan mas profundo manera salba e planeta of especienan den extincion.
E fondonan cu lo ser recauda di e benta di e buki ‘Lord Help Me’ lo haci donacion na diferente organisacion cu ta yuda proteha ‘tree mammals’, un di Emme su animalnan faborito. Di mes e mama orguyoso a comparti e noticia aki riba su rednan social y tambe portada di e buki cu su yiu muhe ta bay publica. Emme ta e unico di e dos yiunan cu JLo a haya cu su ex-casa Marc Anthony, cu a mustra interes te cu awor pa sigui su pasonan na nivel profesional. Na februari Emme a participa hunto cu su mama den e half time di Super Bowl interpretando un fragmento di e cancion ‘Let’s Get Loud’.
