Reina Máxima a nace dia 17 di mei 1971 na Buenos Aires, yiu di Jorge Horacio Zorreguieta y María del Carmen Cerruti. E reina tin dos ruman homber, Martín y Juan, un ruman muher, Inés (cu a fayece na 2018) y tres ruman mas di e prome matrimonio di su tata; Dolores, María y Ángeles. Reina Máxima a crece na e capital di Argentina, unda el a asisti na colegionan prestigioso, terminando su estudionan segundario na Northlands na 1988. Shete aña despues su bachelor den Economia na Universidad Católica Argentina y despues el a traha na empresanan internacional na Buenos Aires, New York y Brussel. E anuncio di su compromiso cu e prins heredero di Hulanda tabata 30 di maart 2001. El a haya nacionalidad hulandes 17 di mei di e mesun aña.
Dia 2 di februari 2002, Máxima y Willem-Alexander a casa na Amsterdam entre invitadonan cu tabata inclui miembronan di diferente cas real di Europa, lidernan politico, amigo y famia. Sinembargo door di asociacion di e tata di Máxima cu e dictadura di Videla, e no por tabata presente na e festividadnan. E prome yiu di e pareha, prinses Catharina-Amalia, a nace na December 2002, prinses Alexia y prinses Ariane a nace na juni 2005 y april 2007, respectivamente. Dia 30 di april 2013, Reina Beatrix a abdica formalmente, y Willem-Alexander a bira rey y Máxima a bira Reina consort, y Catharina-Amalia a bira Prinses van Oranje.
Mescos cu Rey Willem-Alexander a duna su mensahe pa celebra su cumpleaño for di palacio Huis Ten Bosch pa keda den comunicacion cu e pais, Reina Máxima tambe via di e plataforma digital, a comparti cu su siguidornan e receta ‘alfajores’ cu ta di su mama.
