E industria di moda tin un hende muher nobo liderando, cu ta ofrece imagennan impresionante y ta redefini e definicion global di beyesa. Winnie Harlow, cu a ser diagnostica cu vitiligo cu su 4 aña di edad, a pasa su hubentud intimida, tenta y atormenta pa su diferencianan. Apesar di tur e expresionnan esceptico, Winnie a kere den su mes y confia den su caracteristicanan di modelo y beyesa interno cu por cumpli su soño di comberti den modelo y portavoz di otro hendenan cu nan self-esteem ta abou.
Cu su 16 aña, un periodista di Toronto, Shannon Boodram, a descubri Chantelle Whitney Brown-Young y el a comparti su storia den un video riba YouTube. E video a ricibi mas di 700k views y rapidamente a bira viral. E madurez, beyesa y mensahe di Winnie a resona entre e fanaticonan rond henter mundo. No a tarda mucho cu el a haya su mes ta encurasha hendenan di tur parti mundo a traves di su rednan social. Cu su exito online, e industria di moda lentamente a cuminsa pone atencion riba Chantelle.
A pesar di a wordo rechasa pa tur e agencianan di modelahe na Toronto cu ta su ciudad natal, e diseñador-, fotografo- y directornan di runway a cuminsa wak e singularidad di e beyesa canadiense-jamaicana. Sin representacion, el haya invitacion pa desfila den fashion shows rond henter Toronto. Winnie a catch e atencion di Tyra Banks, compitiendo den e ciclo 21 di America’s Next Top Model y despues a haya e gran oportunidad den e industria di moda cu e fotografo britanico Nick Knight. Den su prome biahe pa London, Winnie a haci un shooting cu Knight, ken e ta considera su ‘Fashion Godfather’, y asina su ascenso a cuminsa den e industria cu un contract cu Knight pa su prome campaña di moda internacional. Cu un carera caracterisa pa hopi novedad, Winnie Harlow a defende formanan alternativo di beyesa pa un paisahe di moda diferente y diversifica.
E mas reciente noticia di e modelo ta, cu el a conkista e hungador di Los Angeles Lakers, Kyle Kuzma
