Karixon echt no a spera cu su beat lo a gara un populariad asina grandi riba TikTok. El a mira video di personanan di full otro banda di mundo ta baila riba un ritmo di musica cu nan nunca a yega di scucha di dje. Esaki ta haci e mundo di network/internet asina great. Con e idea a surgi pa crea di un beat y baile popular di TokTok, existente di un version adapta basa riba e ritmo soca, tabata door cu el a download TikTok algun luna pasa. Karixon a gusta di wak varios video di diferente cultura di otro pais. Pero e tabata haya falta di e cultura caribense y p’esey el a tuma e iniciativa pa mustra mundo un parti di loke Aruba y Caribe su cultura musical ta representa, cu ta e soca music!
E ta kere anan como ‘performance musicians’ tine hopi mas duro di loke hopi ta pensa. Hopi di nan ta depende riba presentacionnan pa trece pan riba mesa. Di tur e negativisimo cu ta pasando rond di mundo e momentonan aki, TikTok ta entretene den un manera asina positivo cu ta yude mentalmente. Segun e artista aki, cu tin biaha nos mester di algo pa distrae nos di e realidad negativo pa nos salud mental.
Bo tin planea pa sigui uza e plataforma aki pa crea contenido?
Si, definitivamente mi lo haci mas contenido riba TikTok.
Con COVID-19 a afecta bo personalmente?
Den mi caso, e festival- y fiestanan cu mi mester a forma parti di dje den e lunanan aki, a wordo cancela. Tambe el a bira dificil pa mi por colabora cu e musiconan, ya mi ta prefera preveni di wordo infecta cu COVID-19. Bo nunca sa ken por tin e virus aki. Miho preveni cu lamenta.
STREET TALENT
Hopi di e visionnan cu Karixon tabatin pa 2020 a cambia. Manera nan ta bisa cu esaki ta e ‘normal nobo’. Loke ta su carera como DJ, ta mustra hopi dificil, ya cu nightclubs no lo habri pa aworaki na Hulanda. Si acaso nightclubs habri aki un par di luna, e ta basta sigur cu gobierno di Hulanda lo tuma medidanan pa evita aglomeracion. Tin posibilidad cu hopi nightclubs lo prefera di no habri nan porta mas, ya cu e gastonan ta keda mesun halto den e “normal nobo”, pero menos ganashi, door di e medidanan cu no mag tin mas cu tanto hende bou di un dak. E pensamento di Karixon pa su bida adapta na e normal nobo: “Pero nos no ta laga e normal nobo domina nos, ta p’esey mi a cuminsa adapta mi mes cu e normal nobo. Loke ta mi carera como producer, mi ta percura pa keda consistente, pa estrena diferente genero di muziek y tambe crea netwerk cu artistanan na Hulanda. Mi video content serie “Street Talent” loke hopi hende ta ansioso pa mira, ta ‘on hold’ actualmente. Sinembargo muy pronto mi lo ta estrenando nan un pa un”.
Nomber artistico: Karixon / Nomber: Genard Mohamed / Edad: 26 / Profesion: DJ/Producer / Estudio: MBO-4 muziek, actualmente HBO business management
Entrevista: Javier v/d Biezen Fotografo: Sebastian Hofer
