E ultimo simannan famia y amistadnan no por a topa otro door di e ‘shelter in place’ y ‘toque de queda’, pa cumpli cu e reglanan como un bon ciudadano. P’esey mes momento cu Aruba a bira COVID-FREE el a trece un trankilidad y te asta cu algun hende a cuminsa celebra. Sinembargo un celebracion cu sigur tabatin un nificicacion extra special tabata e cumpleaño di Tatiana Britten-Dubero. Un grupo selecto di e amiga- y amistadnan mas cercano di e cumpleañera, a ricibi e invitacion pa un anochi dibertido di canto na su cas na Pavia Country Residence.

Como un bon anfitriona, Tatiana a ricibi su invitadonan cu su amabilidad unico p’asina comparti e anochi, cu el a prepara cu su detayenan special. E highlight tabata e karaoke unda e invitadonan por a mustra nan talento artistico cantando e cancionnan mas popular. Sin duda cu e cumpleañera mes a destaca den su presentacion cantando su cancionnan preferi. Pa mey anochi a paga e luznan pa cende e belanan pa canta Happy Birthday pa Tatiana celebrando su 42 aña.

Entre su amiganan presente tabatin su bon amiga Sharleen Tromp, cu a conta cu su amistad cu Tatiana a desaroya basa riba su ‘caring heart’, amabilidad, humildad y cu e ta hopi confiabel. Nan por comparti cosnan priva di otro, ta nan mes, sin cu nan ta husga otro of sinti berguensa pa comparti cosnan intimo di otro. Sharleen a sigui bisa cu Tatiana ta hopi creativo, ‘fast learner’ y ta hopi bon den coordina y organisa evento. E tin un curason di oro y un amiga balioso.

LEAVE A REPLY

Please enter your comment!
Please enter your name here