E articulo di e portada di revista Tatler titula, Catherine the Great, ta considera pa Duchess of Cambridge como una traicion, ademas di e contenido nan a publica cu e ta sintie atrapa y kisas cu e por ta bibando un situacion similar cu prinses Diana door cu e ta mustra demasiado flaco. Awor a bin haya sa cu e editor-in-chief, Richard Dennen, tabata hopi cercano di Middleton mientras nan tabata studia na St. Andrews University. Te hasta nan a yega di pasa hunto dos festividad, cu ta comparti solamente cu e hendenan cu bo tin un relacion hopi estrecho.
Despues di a busca den e historia di Middleton durante su añanan universitario, medionan britanico manera The Sun a sigura, cu e cercania entre nan dos ta door cu ambos tabata den e mesun klas di arte. Pa loke ta e parti di Kensington Palace, nan a sinti irita ora a lesa e texto di Anne Pasternak. Door di e relacion cu Middleton a establece cu e periodista naci na Chigago, hamas e por a pensa cu e publicacion lo tin e tipo di informacion aki. Consecuentemente a pidi nan abogadonan pa Dennen baha e articulo cu ta online of lo enfrenta un demanda. E potret a wordo delete poco despues y ta parce cu asina a pasa tambe cu nan amistad aunke Richard Dennen a uza momento cu a post e articulo e hashtags: #The CourtJester y #TheKensingtonCrew. A pesar cu e periodista a bisa cu el a topa cu prins William solamente na dos ocasion, e tabata invita na e dos recepcionnan di e boda di e Dukenan di Cambridge.
Na 2011 tempo tur cos tabata trankil entre nan, Dennen a skirbi cu su amiga ta un muhe cu control y moderacion, cu el a considere ideal paso lo bo no kier ta cu un hende cu lo cay riba su cara mientras e ta riba Kings Road burachi despues di un fiesta. Richard a conta tambe na un canal di television cu tabatin un club unda nan tur tabata bay cu yama Boujis y Kate semper tabata bay den baño prome di sali pa touch up su cabey y makeup, paso e tabata sa cu pafo tabatin fotografonan ta spera riba su salida. Den e articulo di Tatler di juni, Anne Pasternak a skirbi tambe cu e salida di e Dukenan di Sussex for di e bida real, e plan cu William y Kate tabatin pa pasa mas tempo cu nan tres yiunan a ser lansa literalmente ‘under a bus’. E articulo ta sigura tambe cu na e momentonan aki Middleton ta furioso pa e carga di trabou, cu a bira mas pisa desde cu Meghan y Harry a aparta di nan debernan real.
