E siguiente workshop di film/video na Ateliers ’89 Academia di Bellas Artes Aruba ta titula ‘One Summer Video Nights Dreams’. Esaki ta un workshop experimental di traha pelicula dicta pa e artista y maestro di Wolff & Co, Ken Wolff, cuminsando dialuna dia 29 di juni di 6.30PM pa 9.30PM durante un luna largo. Den e workshop aki nan lo pone hopi enfasis riba e aspecto di conta storia y lo siña con pa anima e titulo di entrada na cuminsamento di cada pelicula individual.
E workshop aki ta diseña pa sirbi e necesidadnan di cada alumno, pero si door di e “mano a la obra” experimental di e lesnan y ehercicio. Tur participante lo haya un entendimento di e rekesito- y reglanan” di filmacion y e manera di experiencia e goso, cu lo pone bo ‘exhila’ ora cu bo mira bo proyecto final completa. Lo ta e oportunidad perfecto pa mira si traha pelicula ta loke bo ta anhela y desea di traha cu ne den futuro cercano.
Den e workshop aki cada studiante ta skirbi, produci, dirigi y siña con pa edit su mesun pelicula. Tur dia e workshop lo cuminsa cu un introduccion corto di inspiracion teoretico den camera, storyboard, produccion, dirección. Asina e studiantenan lo cuminsa graba nan mesun ehercicionan individual. E final di e workshop lo ta compone pa un klas di editing y post produccion, pa asina por presenta e peliculanan riba e anochi final a la “red carpet premiere”.
Ken Wolf, ta un artista visual cu a gradua na e prestigio academia di Gerrit Rietveld na Amsterdam, bibando y trahando actualmente na Aruba, mas conoci pa su estilo unico di traha video. Como e doño di su mesun compania y studio di video yama Wolff & Co. E ta concentra su mes mas riba e manera di e tecnica di conta storia.
Algun di su obranan ta inclui documental, video music, peliculanan cortico y propaganda. Durante e evolucion aki, Ken a biaha pa Herusalem, Islandia, Miami, Mexico y Islanan Reunion pa trabounan encarga. Su trabou ta miho describi como curu, puro, hunga, pero si profesional cu influencia di su Caribe natal.
Pa inscribi mester haci esaki via e adres nobo, cu ta awor [email protected] y tambe por sigui nan na www.ateliers89.org. Por yama tambe na 5654613 of 5885776.Tur hende cu ta stima pelicula por participa cu of sin laptop y camera, aunke laptop ta keda un must. E workshopnan ta di dialuna pa diahuebs di 6.30PM pa 9.30PM den Black Box na Ateliers ’89, cu ta keda na man drechi riba e crusada di Maria College na playa. Edad ta 12 y up. E-mail Elvis Lopez y inscribi awor ya cu cuponan ta limita!
