Joel Schumacher a muri awe na edad di 80 aña despues di bataya contra cancer durante un aña. E ta un director di Hollywood reconoci, cu a dirigi e peliculanan manera; ‘The Lost Boys’ (1987), ‘Falling Down’ (1993), ‘A Time to Kill’ (1996), ‘Tigerland’ (2000), ‘Phone Booth’ (2002) y dos adaptacion di ‘Batman’.
Schumacher a tuma rienda di e franchise di ‘Batman’ tempo cu Tim Burton a sali di Warner Bros. E prome pelicula di Schumacher: ‘Batman Forever’, protagonisa pa Val Kilmer, Tommy Lee Jones, Jim Carrey y Nicole Kidman, a recauda mas di $ 300 miyon full rond mundo. E segundo y ultimo pelicula di Schumacher den e franchise tabata ‘Batman and Robin’ na 1997, cu George Clooney como Batman y Arnold Schwarzenegger como e malvado Mr. Freeze.
