Den e weekend cu ta tras di lomba, un tal Danielle, ken awor ta ex-fan di Justin Bieber, a acuse di a abusa di dje na 2014 tempo cu e tabatin 21 aña. Despues di hopi discusion cu a bay rond riba twitter, Justin a dicidi di kibra e silencio. E cantante di 26 aña a dicidi di haci un declaracion riba twitter ayera, despues cu Danielle a acuse di abuso sexual. Desde Diadomingo e tweet di Danielle a ser kita y no ta riba twitter mas.
Danielle ta ‘claim’ cu Justin Bieber a asalt’e den su camber den Four Seasons Hotel na Austin, Texas, despues cu nan a conoce otro na SXSW Music Festival riba dia 9 di maart, 2014.
Den un serie di tweets, e cantante a post screenshots y articulonan di e anochi cu e supuesto abuso sexual a tuma luga, unda ta mustra cu e tabata cu su awor ex-pareha Selena Gomez. Justin ta bisa cu e no a keda na Four Seasons Hotel, pero na un AirBnB cu su amigonan.
“Un otro rason dicon e storia aki ta bisa cu mi a keda na Four Seasons ta door di un tweet riba 10 maart 2014, unda un persona a bisa cu el a wak mi. No riba dia 9”. Esaki ta e tweet’.
E cantante tambe a share un screenshot di un tweet unda cu a bisa cu nan a wake na Four Seasons Restaurant dia 10 di maart 2014, e dia despues di e supuesto abuso sexual. E cuenta cu a post e tweet aki tambe a keda elimina. Justin Bieber tambe a share screenshots di e emails y recibonan di e AirBnB y Westin Hotel pa e datonan en cuestion. Justin a bisa cu e storia cu Danielle ta ‘factually impossible’ y pesey e ta bay tuma pasonan legal.
