UN SALON LUHOSO, PRIVA Y UNICO

E colornan di e interior di Moscow Beauty Salon ta berde, oro y blanco, unda cada un a ser scogi pa un significacion special.  E color berde ta representa naturalesa y trankilidad, e color oro ta pa e elementonan luhoso y blanco ta pa e ambiente impecabel. E propietaria, Sofya Grishchenko, ken ta procedente di Rusia ta hopi orguyoso di e proyecto aki. E ta conta cu su bida a cambia completamente momento cu el a conoce un guy Arubiano, cu tabata studia na Universidad na Suiza. Despues cu Sofya a gradua cu ‘honors’ na e mihor universidad den e industria di hospitalidad, el a dicidi pa sigui su curason y bin biba na Aruba cu su casa.

Bibando na Aruba tin su bentaha- y desbentahanan, unda na principio tabata hopi duro pa e por custumbra na un isla chikito, despues di a biba na un ciudad grandi. Sinembargo su lucha di mas grandi tabata den e esfera di beyesa na Aruba. Tempo cu Sofya tabata biba na Moscow, e tabata bay salon tur siman, unda nan servicio ta unico. E luganan ta hopi bunita y limpi, tambe nan tin e miho calidad y cu prijsnan accesibel. El a bishita diferente luga na Aruba y e no por a haya nada cu a pone sinti su mes satisfecho cu ne.

Asina e idea di Moscow Beauty Salon a nace, pa crea un salon hopi luhoso, priva y algo unico, cu no ta existi ainda na Aruba. Despues di varios luna di trabou duro, cu e amor y apoyo di su famia, Sofya ta contento di anuncia e apertura di Moscow Beauty Salon. Nan ta uza unicamente e productonan di e calidad mas halto y tur ‘tools’ cu ta wordo uza pa haci manicure y pedicure ta keda desinfecta despues di cada cliente. Nan marca principal ta yama ‘Beautix’, cu ta un marca Frances y cu tin e liderato den e industria di huña na Rusia den e ultimo cinco añanan. Na Moscow Beauty Salon nan prioridad ta pa e atmosfera ta mas confortabel posibel. Cuminsando cu ‘built in machines’ den e mesanan, y cu su toke final di mueblenan suave, elegante y confortabel.  E logo a ser diseña pa combina e nomber y e significacion di e luga, cu ta inclui e top di e catedral principal di Rusia y asta un huña. Tur e elementonan hunto ta crea e letter ‘M’ cu ta significa Moscow. Sofya y su team ta spera di wak nos hendenan pronto na Moscow Beauty Salon situa na Aruba Racquet Club pa brinda nan e miho servicio y experiencia! ?