Khloé Kardashian no a permiti pa coronavirus bira un strobacion pa celebra en grande su cumpleaño number 36. Kylie Jenner tabata esun encarga pa organisa e fiesta na honor di su ruman mayor na su mansion nobo na Los Angeles, California. E empresaria a organisa un party yen di luho y extravagancia na su cas, unda famia y amigonan mas cercano tabata invita.  E tema principal di e celebracion tabata Khloé mes, cu a comparti comentario y potretnan riba su rednan social.

E color ros a sobresali den tur e espacionan, cu un cantidad di blaas di mesun color y areglonan di flor flotando den e swimming pool, cu a pone e atmosfeer den e luga. Den e fiesta tabatin mondkapjes cu cara di Khloé, boternan di hand sanitizers, stations di cuminda y una mesa di cos dushi color ros, un slide inflable cu e cara di e modelo y di mes un bolo impresionante.

Riba su Instagram por a lesa cu e detayenan di su fiesta di cumpleaño tabata magico. E lista di invitado tabata chikito pero e decoracion tabata grandi. Entre e invitadonan cu a disfruta di e celebracion tabata presente e miembronan di su famia, Kris Jenner, su rumannan Rob Kardashian y Kendall Jenner. Su yiu muhe, True, e tata di e mucha, Tristan Thompson, y e cantante Rosalía.

LEAVE A REPLY

Please enter your comment!
Please enter your name here