Riba e Dia di Independencia di Merca, Kanye West a anuncia via twitter cu e lo postula su mes como president di Merca e aña aki. Den su tweet e ta bisa “Awo nos mester realisa e promesa di Merca, di confia den Dios, unificando nos vision y construi nos propio futuro. Mi ta postula pa ser president di Merca”. Bou di e tweet di Kanye tin e famoso CEO di Tesla, Elon Musk, cu a tweet: “Bo tin mi apoyo!”.

Te awo esaki ta tur cos cu a ser bisa. No tin evidencia cu Kanye West a haci e trabou administrativo necesario pa bira presidente. E eleccionnan presidencial lo ta dia 3 di november, pues esey no ta duna Kanye West mucho tempo pa e pone su number riba e stembiljetten. Kanye lo por postula manera un candidato independiente, pero e deadline pa registra pa esey a pasa caba den varios estado manera New Mexico y North Carolina. Actualmente tin un candidato presidencial cu ta yama Kanye West den e base di datonan di e FEC (Federal Election Commission), pa e aña electoral 2020. Un candidato di e Partido Berde cu yama ‘Kanye Deez Nutz West’. Kiermen ta hopi probabel cu esey no ta e berdadero Kanye.

LEAVE A REPLY

Please enter your comment!
Please enter your name here