Kanye West su famia y amistadnan cercano ta extremadamente preocupa p’e, door cu e ta den su crisis bipolar. Un reportahe di TMZ ta bisa cu Kanye West ta sufri di e episodionan grave di bipolar, cu ta generalmente un biaha pa aña, unda e fuentenan a bisa cu Kanye ta memey di uno actualmente. Esunnan rond di dje ta preocupa cu esaki a afecta con e ta tuma su decisionnan. E famia ta pensa cu eventualmente e cosnan ta bay calma cu tempo. Nan ta kere ta door cu e ta pasando awor den su momento bipolar, a pone cu el a anuncia cu e lo lansa pa president di Merca.
El a haci tambe un entrevista di 4 ora largo cu Forbes, cu a genera critica, confusion y preocupacion door di su declaracionnan. Den e entrevista Kanye ta bisa el a corta lasonan cu Trump. El a revela cu e ta presenta manera parti di un partido nobo cu ta yama “Birthday Party”. Durante e combersacion el a declara cu e tabatin COVID-19, y el a papia tocante su opinion di anti-vaxx. Na ultimo el a bisa cu ‘Planned Parenthood’ ta coloca door e ‘supremacist’ blanco pa haci e trabou di e diablo, y el a papia tambe di su punto di bista di anti-aborto. Na april aña pasa, e cantante su casa, Kim Kardhasian, a admiti cu Kanye no ta tuma su medicinanan, pero el a bisa cu e sa con pa ‘handle’ su casa ora e ta den su momento bipolar. E ta bisa pa Kanye, pa ta riba medicina no ta echt un opcion, pasobra esaki ta cambia ken e ta.
