E actriz a comparti riba su Instagram, e prome imagen di e pelicula titula ‘Malcolm & Marie’ hunto cu John David Washington. Zendaya tabata hopi ocupa durante e ultimo simannan, mientras otro celebridadnan a probecha e lockdown pa comparti riba Instagram nan rutinanan di ehercicio y recetanan faborito. E hoben actriz a dedica su tempo pa traha riba un pelicula nobo den un tempo record hunto cu e interprete John David Washington.
E script cu tabata na encargo di e serie ‘Euphoria’, Sam Levinson, tabata cla den seis dia y e filmacion a tuma luga entre 17 di juni pa 2 di juli na un propiedad priva na Carmel, California. E pelicula ‘Malcolm & Marie’ ta trata varios tema social cu a recobra importancia atrobe durante e pandemia di coronavirus, cu ta centra riba e pareha protagonista, cu un argumento cu por compara cu e produccion premia, ‘Marriage Story’, di Netflix protagonisa pa Scarlett Johansson y Adam Driver.
E filmacion a tuma luga bou di e reglanan estricto di seguridad estableci pa algun asesor medico, cu no a permiti cu no tin mas cu 12 persona hunto na mesun momento. Esaki a obliga algun miembro di e ekipo pa bay den cuarentena dos siman prome y mester a haci multiple prueba di coronavirus. E ensayonan a tuma luga den aire liber pa evita posibel contagio, y tur esunnan involucra den e pelicula mester a tuma nan temperatura prome cu inicio di cada dia di trabou, pa ta sigur cu nan no tin keintura. Ademas di esey nan mester tabatin nan beurt y luga designa di antemano pa come e cuminda prepara pa un chef, cu tambe tabata den cuarentena, y cu tabata entrega e cuminda den forma individual na cada persona cu tayo, forki y cuchiu desechable.
