E plataformanan halto y cu hilchinan diki ta bek pa zomer 2020. E blokhak a bira cada bes mas popular pa su comodidad y su aspecto vanguardista. E marca Freya Rose London ta lansa su coleccion cu e sapatonan audaz, cu ta laga un novia luci elegante riba dia di su boda. E siguiente paso desde e blokhak… ta su ‘chunky platform! E hilchinan no solamente lo mustra bunita y elegante riba dia di casamento, sino por sigui uza nan mas biaha. E coleccion di e sapatonan cu blokhak ta dorna cu mother of pearl y ta ideal pa asisti na fiesta- of eventonan deportivo, unda bo por cana riba vloer of tereno iregular desde santo, yerba of piedra.
E coleccion Freya Rose AW20 cu lo wordo lansa na September, ta presenta algun di nan diseñonan mas elabora te cu awor, cu hilchinan artesanal mother of pearl unico, combina cu materialnan briyante y detayenan metalico maraviyoso. E icono di nan coleccion, ‘Cleopatra’, ta mustra e elementonan ornamental y artistico di e coleccion aki, cu e ‘abalone’ precioso enmarca den brass polish. Inspira den arkitectura art deco, esaki ta piezanan di inversion cu ta keda balora pa semper.
