Mas cu 12 aña pasa Marcus a dal su prome pasonan den loke awe ta su profesion, siguiendo e mesun pasion cu su tata Bert de Vries. Marcus ta formando parti awor di Optica Oduber & Kan como e miembro nobo di e ekipo Optico y Specialista di Contact Lens. Despues di descubri e mundo di optometria na edad di16 aña, el a caba su high school y a dicidi pa continua su aventura na Rotterdam, siguiendo e estudio di opticien na Zadkine. E tabata un studiante briyante, superando hopi di su compañeronan di klas, haciendo su docente- y mayornan sinti orguyoso di dje.
Despues di solamente 3 aña Marcus a obtene su diploma como opticien y tabata cla pa continua su educacion cu un specialisacion den contact lens. Mientras e tabata traha part time como opticien na Pearl. Trahando na Pearl, e tabata un ehempel atrobe pa su coleganan y rapidamente el a subi e trapi for di opticien principal pa e supervisor di e tienda. Sinembargo 3 aña despues a yega e momento di un cambio, y Marcus a prepara su maletanan pa e muda pa Amsterdam, cu ta e melting pot di Hulanda. Aki ta e cas di e optical stores mas renombra mundialmente, y Marcus a encontra su luga na Saton Optiek, un high-end optical store memey di e vecindario di ‘de Pijp’.
Un biaha mas, Marcus su etica di trabou duro a keda demostra den e forma con el a continua subiendo, y converti den e opticien principal y specialista di contact lens, poco despues cu el a cuminsa traha. Despues el a keda promovi pa store mananger y el a supervisa training di multiple studiante unda tambe el a sa di destaca. Como si fuera tabata e destino, e pareha di Bert, Rose-Marie, y nan tres yiunan a uni na e empresa familiar mientras nan ta continua compartiendo e mision di e vision. Iris a cuminsa prome na 2014 despues di a finalisa su estudio di ‘Consultancy and Management’ na NHTV International School na Breda. LeRoy a haci un cambio na final di 2019 y ta asistiendo den controlnan interno y project management.
Mientras cu e transicion a tuma lugar di Optica Oduber & Kan pa The Specialists na final di 2019, Marcus tabata sa cu a yega e momento pa bolbe su isla natal. Un reto nobo tabata sper’e, treciendo su conocimento y añanan di experiencia laboral pa e comunidad di Aruba. Durante añanan a sinti e necesidad pa un cambio. Oduber & Kan ta un nomber basico, conoci pa e hobennan y (principalmente) esunnan mas grandi. Como ambos famia ya no ta den e negoshi mas, nan a sinti cu a yega e tempo pa representa un generacion diferente. Esey ta e momento cu The Specialists a nace. Nan tin plannan grandi pa e aña aki y pa e proximo añanan, asina ta pa keda pendiente pa haya sa mas di The Specialists.
