Pa nan campaña di zomer, SETAR a lansa un Dance Challenge hunto cu nos talento local Jeon. E idea tras di esaki ta pa envolve e hubentud local cu ta riba TikTok. Durante e cuarentena TikTok tabata hopi popular den e grupo di edad aki, y tambe a atrae otro gruponan tambe.
Jeon a crea un jingle unico, specialmente pa combina cu e Summer Dance Challenge. Tur hende por participa y e ta simpel! Ta uza e jingle di SETAR y ta haci bo bailamento creativo. Hashtag #RingTing y share bo video. Tur siman ta scoge un ganador cu lo ricibi AWG. 250.00 y e campaña aki lo sigui durante e lunanan di zomer.
