Casino na Hilton a habri bou di e reglanan estricto di e normal nobo, pa asina mantene COVID-19 afo di e luga, y haci su bishitantenan tanto local como di exterior sigur, safe y contento. Fuera di haci limpi y desinfecta areanan cu ta haya hopi contacto humano den e casino, gerencia a bay un stap mas leu den cuadro cu implementacion di e regla di 1.5 meter distancia. Nan a haci ahustacion completo di e layout di slot machine den e casino pa 100& acomoda distanciamento social. E casino a tuma pasonan grandi pa cumpli cu e reglamentonan nobo y tambe a elimina un gran cantidad di slot machine pa satisface e rekesito di e certification Health & Happy. Nan a inverti y ta determina den brinda un ‘COVID-19 Casino Experience’ cu ta sinti totalmente natural, sin trece ningun inconveniencia na nan estimado bishitantenan.
Nan bishitantenan por hunga e tremendo ‘high definition’ slot machine sin preocupacion. Nan a aloca nan pa permiti e hungadornan na privacidad pa disfruta di e zonido- y efectonan increibel, graficonan briyante y tecnologia reconoci di Ticket-In-Ticket-Out, sin preocupacion di proximidad di otro hende. Banda di fisicamente ahusta e area, gerencia a instala un gran cantidad di borchi y flecha cu ta dirigi y regula e ‘flow’ di hende, brindando tambe tur e hungadornan espacio personal protegi. Esaki ta specialmente riparabel den e Poker Room na unda e mesanan ta protegi cu glas di siguridad di calidad halto pa parti y crea areanan isola individual pa e hungadornan participa den e weganan, evitando proximidad mucho cerca na otro hende, pero definitivamente conecta.
