Ateliers ’89 Academia di Bellas Artes Aruba tin e inmenso placer di anuncia cu hopi orguyo, cu su ex-alumno Chelsea Peterson lo dirigi e siguiente workshop interesante di moda. E workshop di moda aki ta pa un persona cu ta interesa den e amplio mundo di moda. Hunto nan ta bay sambuya hundo den e mundo di moda. No solamente den e runway-comercial-moda ready to wear, pero e mundo di moda cu ta draai rond di esaki. E forma no convencional di crea piesanan nobo, a traves di e buskeda nobo di e tacticanan pa interpreta e curpa.
Durante e workshop aki lo haci investigacion individual pa reuni bo mesun conceptonan pa despues cu e conocemento aki, crea un representacion visual di e mundo rond di e curpa den un contexto di moda. Despues di crea e mundo 2 dimension aki cu representacion visual cu lo duna luga na di 3 dimension. Y transforma e vision aki den realidad. Pa finalisa e workshop nan lo mustra tur e diseñonan den un gran desfile di moda, pa “showcase like” bo mundo di moda!
Chelsea Peterson despues di a atende Ateliers ’89 na 2012, a sigui profesionalisa su mes na Gerrit Rietveld Academy na Amsterdam, Hulanda. Na unda el a termina graduando cumlaude. Logrando su bachillerato den arte y diseño na aña 2017. Pa di biaha wordo nomina cu su show pa e prestigioso premio Frans Molenaar Award. El a traha como diseñadora interno na Bas Koosters Studio na Amsterdam na 2016 y como diseñador grafico na Novelty Marketing 2018. Actualmente e ta preparando pa lansa su mesun coleccion di su obraban di arte.
Pa inscribi por manda un e-mail na [email protected]. Tambe por yama na telefonan 5654613 of 5885776. E workshop ta pa un luna y ta cuminsa dialuna 31 di augustus pa diahuebs 24 di september. Di dialuna pa diahuebs di 6.30pm pa 9.30pm. Edad ta 12 y up. Inscribi awor ya cu e cuponan ta limita. Ateliers ’89 ta gradici inmensamente: UNOCA, Elite, Mondriaan Funds y tur otro cu ta yuda semper. Ateliers ’89 ta situa na banda drechi riba e cruzada di Maria College na playa. Por sigui nan tambe riba website na www.ateliers89.org.
