Despues cu algun Hindu a bira viral pa uza mask traha di oro cu ta costa miles di rupees, un empresa di joyeria Israeli a revela cu nan ta trahando riba loke lo bira e coronavirus masker mas caro di mundo, cubri cu diamanta na e prijs di $1.5 miyon. E masker di oro blanco di 18-karat ta decora cu 3.600 diamanta blanco y preto y fit cu filtro N99 di calificacion halto manera cu e cumprado a pidi e diseñador Isaac Levy.
Levy, e propietario di e empresa Yvel, a bisa cu e cumprado tabatin dos otro demanda: cu e mester ta cla pa fin di aña y cu e ta esun mas caro na mundo. E ultimo condicion, el a bisa: “Tabata esun mas facil pa cumpli cu ne”. Pero ken a encarga un masker asina caro? Levy a nenga di identifica e cumprado, pero el a bisa cu ta un empresario chino cu ta biba na Merca. E ‘glitzed-up’ masker por duna un poco pizzazz na e acesorio di proteccion cu awor ta obligatorio den espacionan publico na hopi pais. Pero cu 270 gram (mas cu mey liber), casi 100 biaha mas cu un mondkapje, no ta probabel cu e ta un acesorio practico.
Den un entrevista den su fabrica cerca de Jerusalem, Levy a mustra varios pieza di e masker, cubri di diamanta, y cu tin un plachi di oro cu un buraco pa e filter. “Placa kisas no ta cumpra tur cos, pero si e por cumpra un COVID-19 mask hopi caro y e guy kier bistie y cana rond pa haya atencion, e lo ta contento cu esey”, Levy a bisa. Un mask asina asina luhoso y caro por touch e hendenan tambe den e forma incorecto na un momento cu miyones di hende na henter mundo ta sin trabou of ta sufriendo economicamene. Levi su opinion ta cu mientras e mes no ta esun cu ta bistie, e ta agradecido pa e oportunidad. “Mi ta contento cu e mask aki a provee nos suficiente empleo pa e trahadonan por realisa nan trabou den e tempo aki cu tin hopi desafio”, el a bisa. Mester agrega cu e Hindunan no ta nobo cu mask traha di metal y elementonan precioso. Na principio di juli, varios negoshante Hindu di luganan manera Pune y Cuttack a bira viral pa nan facemasker di oro. Cu prijsnan di uno ta Rs 2.8 lakh mientras e otro ta costa Rs 3.8 lakh.
