Bo lo gusta siña sketch of pinta potret? Con pa pinta un pintura bunita di algun persona? Esaki ta posibel siguiendo e curso di potret special aki, desde 1 di september cu Gustave Nouel (GN, www.gustavenouel.com). GN mes ta un retratista profesional reconoci cu hopi experencia. Aki lo siña e tecnicanan basico y universal di sketch y pinta portret, manera e artistanan ta haci esaki na henter mundo, di arte riba caya te cu retratista profesional cu arte den e museonan.
Na cuminsamento lo siña tecnicanan universal y secretonan profesional relevante di e artistanan cu ta sketch portret na Paris, Madrid y otro ciudad grandi di mundo, caminda GN tambe a sketch y pinta hunto cu e artistanan riba caya. Danki na e experencia aki GN a desaroya su mes curso ‘Pinta portret riba caya’ y ta comparti esaki internacionalmente, cu cursonan y workshop riba tur nivel. E curso special aki ta haci pinta y sketch portret sorprendentemente facil, hasta pa principiantenan. Lo ricibi guia personal riba cada persona su mes nivel for di GN, pa por probecha di e curso maximalmente. Tambe pintornan profesional por profundisa nan arte di pinta portret y/of sigui ‘masterclasses’ di GN na Kunstcircuit, posiblemente un di e centronan di arte mas relevante na Hulanda… (mira: www.kunstcircuit.nl)
E artista profesional Arubiano, Gustave Nouel, a completa academia di arte na Hulanda y a sigui cu specialisacion di posgrado den sketch y pinta portret na Madrid (curso: portret den tur tempo y cultura). GN lo gusta comparti su ‘secretonan profesional’ y experiencia di henter un bida como artista profesional y ‘street portrait artist’ cu tur hende interesa, tambe na Aruba y den Caribe, si ta posibel. Ya tin algun les gratis online di GN!
