Prins Harry y Meghan Markle a muda pa nan hogar nobo desde e luna di juli. Den un comunicado e portavoz di e pareha a informa cu nan a instala tranquil den privacidad desde nan yegada eynan. E comunicado ta sigui bisa cu e pareha ta spera cu nan privacidad lo ser respeta den nomber di e famia y bisiñanan. Harry y Meghan a cumpra nan mansion nobo Californiano for di un negoshante rusiano cu un hipoteca di $ 9.5 miyon despues cu e prijs pa e mansion a baha pa mas cu $ 10 miyon di e prijs original, segun DailyMail.com.
E pareha Britanico-Americano a cumpra e mansion impresionante aki den zona exclusivo di Montecito pa $ 14.65 miyon dia 18 juni 2020 y a bira bisiña di e celebridadnan manera Oprah Winfrey y Ellen DeGeneres. E mansion conoci como ‘’The Chateau” construi na 2003 a dura casi 5 aña pa wordo finalisa. E hogar nobo di Harry y Meghan ta consisti di 9 camber, 16 baño y ta inclui tambe un libreria, oficina, spa, gym, guest room, piscina, sala di hunga wega, cancha di tennis, sala di te, teatro, bodega y garashi pa 5 auto.
