E reaccion y entusiasmo di e siguido- y lectornan di revista FOCUS ta un impacto total, y esaki ta keda demostra na e cantidad di downloads di Focus App cu ta subiendo rapidamente. Tanto a traves di App Store como Android Google Play Store, unda por download e aplicacion di Focus App riba smartphone of tablet. E hecho cu e lectornan por lesa e revista facilmente for cualkier parti y na cualkier momento ta hacie super atractivo. Cu e aspectonan di e formato digital e ta un experiencia diferente, cu aunke e ta interactivo ta mantene e balans perfecto pa disfruta y lesa den trankilidad.

Un gradicimento special di parti e team di FOCUS ta bay na tur e medionan di comunicacion pa nan espacio brinda pa e lansamento di FOCUS Digital. Mester gradici tambe tur e personanan cu a post diferente bunita comentario. E modelo di portada Arnalda Lampe cu a luci espectacular a ricibi un gran cantidad di Likes. E fotografo Kuro Muller cu a traha oranan largo riba un diadomingo for di salida te bahada di solo, por ta orguyoso di e resultado di su trabou. Su pasion, creatividad y amor pa fotografia ta remarcabel den su detayenan, cu ta resalta su experiencia como fotografo.

LEAVE A REPLY

Please enter your comment!
Please enter your name here