E presentacion oficial pa e region di Caribe di ‘Ford Explorer 2020’ a tuma luga diahuebs durante un evento online. E SUV mas bendi di tur tempo na Merca, awor ta conta cu mas potencia y espacio, tambe cu tecnologianan inteligente pa yuda ‘tackle’ e aventuranan diario.

“Casi 30 aña pasa nos tabata e pionero cu e prome Explorer, cu a representa un manera nobo di pensa riba   nos vehiculonan, reconociendo cu cada famia ta unico, mientras nos ta evoluciona e tecnologia pa sirbi aun mas e seguridad y dicho conexion ”, Luz Elena del Castillo, directora general di Ford pa Centro America y Caribe, a bisa.

E generacion nobo di e iconico SUV Ford ta presenta un apariencia mas atletico y cu mas comodidad como tambe un arkiterectura ‘rear-wheel-drive’ flexibel. Ford su receta pa Explorer semper a ser basa den tres ingrediente principal: capacidad, comodidad y diseño. E ambiente confortabel y sofistica di e interior ta complementa cu e sistema di iluminacion ambiental disponibel di e version Limited, cu acentonan di color configurabel.

LEAVE A REPLY

Please enter your comment!
Please enter your name here