E rumannan di Chadwick Boseman a recorda e actor un poco mas di un luna di su fayecimento, y nan a revela e ultimo mensahe significativo cu el a manda pa nan. E rumannan a habri nan curason den un entrevista cu The New York Times, den cual nan a papia riba e imagen cu nan tin di e protagonista di Black Panther. Y tambe kico tabata e ultimo palabrananen cu nan a intercambia cu ne.
Boseman a muri dia 28 di augustus debi na complicacionnan di un cancer di colon contra cual e tabatin un bataya silencioso durante cuatro aña, cu solamente esunnan mas cerca di dje tabata sa di su estado di salud. “Mi tabata tratando di recorda Chad y no Chadwick. Y tin tanto di Chadwick den e aire”, su ruman Kevin a bisa, cu tambe ta dedica na e mundo di entretenimento como escritor, bailarin y actor. “Mi mester a cuminsa comparti e persona ey cu mundo, mi a haci esfuerso pa trate como mi ruman homber ora el a cuminsa bira popular”.
E ruman homber mayor di 54 aña, Derrick, cu ta pastor, a recorda con su infancia tabata na Anderson y a pone enfasis cu Chad tabata un inspiracion pa por a logra sobresali practicamente for di nada. Di acuerdo cu algun testimonio di e ultimo luna di bida di e actor, a bisa cu e tabata mustra hopi decai y cu hopi dificultad pa soporta e dolornan cu e cancer tabata ocasiona, p’esey su ruman Derrick a sa di compronde, despues di e morto di Chad cu e mester a bay descansa.
Segun e pastor, cu Chad manera cariñosamente su famia tabata yame, a skirbi un mensahe cu a shock e algun ora prome cu el a muri. El a skirbi su ruman: “Man, I’m in the fourth quarter, and I need you to get me out of the game”. Aunke Derrick no tabata sa na prome instante ki e kier a bisa cu esey, despues di un momento di reflexiona riba e condicion di e famoso actor, el a realisa cu e tabata cansa y cu e tabata cla pa bay. Esey tabata e momento tambe cu e ruman a cambia su oracion y na lugar di pidi Dios pa sana su ruman, el a pidi pa Dios haci su boluntad, y e siguiente dia Chad a muri, e ruman a revela.
