Siman pasa a cuminsa e prome fase di e Proyecto Hunto Grandi, Grandi Hunto di Fundacion Movimento ta Bida. E proyecto aki ta enfoca riba e desaroyo continuo y digital pa nos poblacion 60+ na Aruba. Durante un encuesta haci bou e poblacion 60+ na Aruba a sali afo e necesidad pa conocemento basico di tecnologia digital.

SETAR como partner di e proyecto aki ta brinda un serie di diferente workshop den forma di ‘Train the trainer’ na un grupo di instructor 60+. Durante e workshop nan lo toca, entre otro, e tema di uzo di smartphone, con pa haci un video call, con pa paga bo cuentanan online y mucho mas.

Den e segundo fase di e proyecto e grupo di instructor aki lo ta bishitando gruponan di 60+ den e comunidad di Aruba pa traspasa e conocemento aki. P’asina aki poco poco e informacion yega na gran parti di nos poblacion 60+ na Aruba.

Di parti di SETAR, nan ta contento di por forma parti di e proyecto aki y contribui na e desaroyo continuo di nos poblacion 60+ mirando e importancia di esaki, specialmente den e temponan actual.

LEAVE A REPLY

Please enter your comment!
Please enter your name here