Make-up ta un berdadero arte, loke ta comberti nos den artista. Pero nos no a nace un Van Gogh of no ta un Pat McGrath, cu a wordo nombra como e makeup artist cu mas influencia pa Vogue: tur cos ta cuestion di siña y biba creciendo.
1. HOPI BASE
Demasiado base por acentua e lineanan di expresion y hacie mas riparabel, pues aplica un solo capa finI.
2. DEMASIADO CORECTOR
Uza hopi corector bou di e wowonan, no solamente ta disimula bo ‘ojera’, sino tambe ta hacie hopi mas visibel.
3. LIPSTICK DEMASIADO SCUR
E tononan di lipstick scur, manera; cora, plum y bruin ta embehece e cara cu varios aña.
4. EYELINER
Ora di pinta bo wowonan cu delineador preto ta laga bo cara embehece algun aña. Eligi pa remplaz’e cu e color bruin, blauw of shinishi.
5. LIPLINER
Delinea e lipnan por defini e forma di bo boca, pero bo tin cu hacie cu hopi cuidou, si bo no kier mustra 10 aña mayor. Si bo pint’e un linea demasiado fuerte of uza un color hopi scur, bo lipnan no lo mustra nada natural. E secreto ta pa busca un delineador di mesun color di bo lipnan, no di e lipstick.
6. MASCARA RIBA WIMPERS INFERIOR
Esaki lo mustra cu bo wowonan ta mustra gecay y cu consecuencia, mustra mayor di loke bo ta en realidad.
7. POTLOOD DI WENKBRAUW HOPI SCUR
E color di cuero di frenta ta desvanece segun cu e decadanan pasa. Ideal ta pa eligi un potlood di wenkbrauw cu ta un of dos tono mas cla cu e color natural di bo cuero na bo frenta.
