Ora bo mantene bo makeup, crema, serum y incluso perfume den un ambiente adecua, esaki ta e clave pa sigura bo mes cu nan lo dura intacto pa mucho mas tempo. E productonan di beyesa tambe tin un fecha cu nan ta caduca. Hopi producto tin esaki skirbi riba e empake, pero si djis analisa e textura, color y holor ta haya sa cu a yega e momento pa cumpra nobo. 

P’esey ora mantene algun di e productonan den frigidaire por ta di gran ayuda, en concreto tur esnan cu tin un formula den gel, asina ta mantene nan na un temperatura mas abou, y ora nan ta frieu, e aplicacion no ta solamente efectivo pero incluso mas relahante. Hopi di e aplicadornan ta di metal, specificamente algun crema pa mehora e area rond di e wowonan. E ta un experiencia y un dushi feeling manera cu aplica e crema y lo bira un ‘me time’ tur dia cu lo yuda bo lubida di e mundo exterior. 

Algun di e productonan cu por pone den frigidiare: 

Hydrogel eye & lip patches
Masks – preferiblemente esnan den textura di gel of awa, tambe sheet masks 
Jade Rollers
Gua Sha

E ultimo dos tools ta un ‘must’ cu ta yuda activa e circulacion facial y ora nan ta frieu ta desinflama e area, pesey si bo a drumi di mas of ta sinti e saconan bou di e wowonan, e ora esaki ta bo miho aliado. Sin duda ya bo ta antohando caba pa haya uno mescos, e ora mester bay riba Amazon pa haya esun faborito segun bo gusto. 

LEAVE A REPLY

Please enter your comment!
Please enter your name here