Javier Chicharito Hernández ta bek den e filanan di L.A. Galaxy despues di no por a hunga door di un lesion. E por a logra un gol pa su ekipo contra Seattle Sounders, cu a termina cu e score di 1-1. A pesar di e esfuerso e futbolista mexicano, su ekipo no a logra sigui cu e bentaha. E recuperacion di Chicharito tin un aliado cu nomber y fam, segun e propio Javier Hernández a splica ora e wega a termina. E futbolista a ripiti e momento cu e ta bibando den MLS, e liga principal di e sistema di futbol na Merca y Canada, y tambe e importancia cu su coach di bida, Diego Dreyfus, tin p’e.
E futbolista tabatin hopi factor cu e perhudic’e y mas e poder pa e saca e miho dje mes y cu e ta tumando desicionnan cu mas responsabilidad. El a bisa cu tur hende sa, cu e persona cu e ta trahando emocionalmente y ta sigui traha cu ne ta Diego Dreyfus. El a agrega cu e rumor mas reciente cu tabata involucra tanto e, su casa Sarah Kohan y Diego, algo cu e no a gusta pa nada. Tur cos a keda desmenti, pero tambe tabata su falta di comunicacion. Awor e hendenan hasta ta bisa cu su yiu nomber no ta di dje.
Chicharito, den e conferencia di prensa virtual, tabata hopi cla pa sigura cu e ta considiera cu ta danki na Dreyfus cu su carera no a termina, aunke tur cos ta mustra completamente negativo. Si tin un hende cu a yude pa e no perde su carera por completo ta su coach. E futbolista a acepta tambe cu 2020 tabata complica p’e den tur sentido: “Mi tabata trahando profundamente, tumando responsabilidad cu mi bida, mi aña tabata completamente negativo den tur sentido, y tabatin factornan cu a perhudica mi”. Sinembargo, e tin tur confiansa cu den 2021 e ta logra presenta como un homber y un hungado diferente, danki na e apoyo total di Diego Dreyfus y L.A. Galaxy, den ken e ta confia. E club a brind’e absolutamente tur cos, y esun cu no a confia den nan tabata e mes.
