Hopi celebridad a anuncia den 2020 cu nan ta sperando un baby. Mayoria atraves di nan rednan social pa comparti e noticia cu tur nan siguidornan, pero tambe algun a haci uzo di e oportunidad durante entrevistanan pa comparti nan alegria y bendicion. Hunto cu e celebridadnan internacional nos tin tambe esunnan local, cu a comparti e noticia atraves di nan rednan social.
Wilmer Valderrama y Amanda Pacheco
Menos di un aña despues di a anuncia su compromiso cu Amanda Pacheco, e strea di ‘That ’70 Show’ a revela cu nan ta sperando nan prome yiu. “#ItJustUsThreeNow”, el a pone como caption riba Instagram dia 21 di december.
Lauren Bush Lauren y David Lauren
E pareha a anuncia e luna aki cu nan ta spera nan di tres yiu hunto. Nan a skirbi: “We are excited to welcome baby #3 due next Spring!”. Apart di nausea e embaraso tabata un speransa den nan bida
Pippa Middleton
Pippa Middleton, ruman di Duchess of Cambridge, ta sperando su di dos yiu. Segun un fuente, Pippa y su casa James Matthews ta feliz cu e noticia aki memey di un aña dificil. Nan prome yiu Arthur a nace na october 2018.
Zara y Mike Tindall
Zara Tindall, un di e nietonan di Queen Elizabeth, ta na estado di su di tres yiu cu su casa Mike. El a haci e anuncio riba su podcast, bisando cu e tabata un siman bon p’e y cu tin un di tres Tindal na caminda. E pareha ya tin dos yiu muhe.
Mike Sorrentino y Lauren Pesce
E pareha ta sperando nan prome yiu. “We have a Baby Situation”, Sorrentino a skirbi riba su Instagram na november. Hunto cu e mensahe el a agrega “Baby Sorrentino May 2021.
Hilary Duff y Matthew Koma
Hilary Duff a anuncia cu e ta sperando su di tres yiu, e di dos cu su casa Matthew Koma. “We are growing!!! Mostly me…” tabata e subtitulo cu un bunita boomerang di e brasanan di Koma rond di e bariga di Duff, cu nan a post 24 di october.
Princess Eugenie y Jack Brooksbank
Riba e Twitter di e famia real nan a anuncia e feliz noticia dia 25 di september, cu su Altesa Real Prinses Eugenie y Mr. Jack Brooksbank ta contento di anuncia cu nan ta spera un baby na comienso di 2021. E pareha a casa na october 2018.
Usher and Jenn Goicoechea
Segun varios medio, incluyendo Us Weekly y Entertainment Tonight, Usher y su chick, Jenn Goicoechea, ta sperando nan prome yiu hunto. Nan ta emociona y hopi excita segun un fuente a comparti tocante e noticia aki.
Nicki Minaj
E rapper Nicki Minaj a anuncia na juli cu e ta sperando su prome yiu cu Kenneth Petty. El a haci e anuncio riba Instagram cu algun potret impresionantes di su bariga.
Alec y Hilaria Baldwin
E pareha a anuncia riba Instagram cu nan ta sperando nan di cinco yiu hunto. Alec tin un yiu muhe di su matrimonio anterior cu Kim Basinger, Ireland di 24 aña. Hilaria a post cu el a haya e gran noticia cu tur cos ta bon y cu e baby ta sano.
Katy Perry y Orlando Bloom
E pareha a confirma atraves di e video musical nobo di Kate Perry pa e cancion “Never Worn White” cu nan ta sperando nan prome yiu hunto.
Sophie Turner y Joe Jonas
Varios fuente ta bisa cu Joe y Sophie ta spera nan prome yiu. E actor di Game of Thrones (23) y e pop star (30) a casa na Las Vegas na mei 2019. E pareha ta mantene e embaraso secreto, pero nan amigo y famia ta emociona cu e noticia.
Brie Bella y Nikki Bella
E rumannan morocho y streanan di Total Bellas na E! ta na estado mesun tempo y tin djis un siman y mey di diferencia. Nan a bisa cu e hendenan ta pensa cu ta un joke, pero nan no a planea e embaraso. Brie ta sperando su di dos yiu mientras Nikki su di prome.
Remy Ma y Papoose
E rappers Remy Ma y Papoose ta spera nan di dos yiu hunto. Papoose a anuncia e noticia durante un entrevista dia 6 di juli na Fox Soul. El a bisa cu e ta encanta pa ta hunto cu su famia y e por pasa hopi tempo cu su casa y su yiu muhe, cu nan ta maraviyoso.
Durante e luna di december dos pareha cu tabata riba e portada di revista Focus su edicion di Valentine, a anuncia cu nan ta sperando un baby. Guillfred y Siglaine a post riba facebook dia 12 di december den un forma creativo cu nan ta sperando un baby. Y awe Krish Mahtani y Queeny Bergen a comparti e noticia di nan ‘BABY Mahtani 2021’.
Guillfred y Siglaine Besaril
E pareha a muda pa Hulanda desde cu Guilfred a bira Minister Plenipotenciario, unda su tareanan y responsabilidad como Minister na Hulanda ta realmente amplio. Siglaine ta un Sales Account Manager den e cadena di Radisson Hotel Group y su trabou ta encera e benta na nivel corporativo di region di EMEA. Den edicion di Focus Digital di januari tin un entrevista cu Guilfred y Siglaine, unda nan ta comparti detayenan di nan bida Hulanda. Despues di pasa 3 Fin di Aña na Hulanda, nan a dicidi di bin celebra nan bendicion hunto cu nan famia na Aruba.
Krish Mahtani y Queeny Bergen
E pareha a conoce otro na aña 2010 Krish y nan a dicidi pa forma un relacion di pareha, a pesar cu esey tabata dificil na comienso, paso nan tabata comparti un bunita amistad pa hopi aña. Entre nan plannan cu nan a comparti den Focus na februari 2020, ta pa keda traha tempo pa otro y hunto nan pasa tempo cu nan famia y amistadnan. Tambe pa sigui traha hunto y keda innova, haciendo mas proyecto hunto. Sin laga afo, biaha ora cu nan por y ohala nan logra busca un amigita pa nan rottweiler, Raja.
