E dianan di #Shelter in Place tin su parti positivo manera entre otro, cu nos a haya tempo pa drecha nos cashi- y lachinan. Cu bo por ta na cas bisti comodamente henter dia ta un sensacion agradabel. E cas opgeruimd ta un dushi sensacion, pero nos tambe mester sinti nos bon cu nos apariencia cu ta yuda subi nos animo. Momento cu bo sinti pa uza un poco di makeup of pa experimenta cu un hairdo nice, principalmente riba e bad hair days, sigui e Tips pa wak con pa logra esaki.
MESSY UPDO
No preocupa ora bo spierta cu bo cabey tur bruha, pasobra e textura aki ta e clave pa logra un messy updo. Aplica un poco di dry shampoo den full bo cabey, despues haci un twist pa forma e bol na e haltura cu bo ta desea. Bo por hacie con strak cu bo ta desea aunke semper mas los ta mas comodo. Bo por wante cu un elastiek of uza tres bobby pin. Si bo ta sinti cu el a keda hopi getrek por los algun cabey y dune un toke messy super cool.
MESSY PONYTAIL
Cu e cabey seco, aplica un capa di dry shampoo pa dune un textura. Aki e unico cu bo mester ta bo dedenan para forma e ponytail. Wante cu dos elastiek pa logra cu e ta mas halto, manera cu e ta strak pasa un ‘thistle comb’ na e raíz pa dune mas volumen. Corda laga algun cabey fini los den cara, esey ta e clave pa logra e efecto fresco. Si bo tin un meeting via ZOOM y bo kier mustra nice, bo por añadi un poco volumen na e corona di cabes, aki bo mester solamente haci un crepé hopi sutil y e no mester ta elaborea.
HALF UP PONYTAIL
Si bo kier post un selfie riba bo Instagram esaki no lo faya. E stap number un ta pa tuma algun cabey dilanti y manda nan patras cu bo dedenan, y ahusta na e haltura cu mas bo ta gusta y mare cu un elastiek. Despues loke bo mester ta un plancha; pa pase pa e seccionnan pa duna un toke peina pero tambe despeina. Despues aplica un poco di texturizer pa logra e look aki.
