Algun celebridad ta encanta e actividadnan secundario y aki tin 10 muhe famoso cu a converti nan amor pa makiyahe den negoshi. Cu nan experencia obteni mientras nan ta sinta den e stoel di makiyahe, nan a coverti esaki den nan propio negoshi creando nan propio marca di makiyahe y di beyesa.
Algun di e celebridadnan cu mas recientemente a lansa nan propio marca di makiyahe ta Halsey, Jennifer Lopez y Selena Gomez. Sinembargo nan no ta e unico caranan famoso cu a drenta den e ‘beauty game’. Tin mas celebridad cu a uza nan fama y experencia pa habri caminda cu hopi exito den e industria di cosmetico.
HALSEY: El a lansa su marca About-Face despues di a tenta su fans tocante di su cantidad di plannan pa 2021.
JENNIFER LOPEZ: E artista a revela cu e ta cuminsa cu su propio linea di makiyahe y cuido di cutis, JLo Beauty.
SELENA GOMEZ: E ultimo inspiracion di Gomez ta Rare Beauty, cu ta obtenibel riba su website of na Sephora.
VICTORIA BECKHAM: Conoci como un pop star y diseñadora, el a engrandece su imperio agregando su linea Victoria Beckham Beauty.
RIHANNA: Parti di loke a converti Rihanna den e musico femenino mas rico di mundo ta Fenty Beauty, Fenty ta su fam.
LADY GAGA: Su marca di beyesa, Haus Laboratories, ta obtenibel exclusivamente via Amazon desde 2019.
IMAN: E famoso modelo aki a crea un linea di makiyahe especificamente pa e hendenan di color, Iman Cosmetics.
KYLIE JENNER: Su exito cu Kylie Cosmetics ta increibel y parti di esaki a converti’e den e ‘youngest self-made billionaire’.
KIM KARDASHIAN WEST: E ruman di Kylie, tambe a drenta den e ‘beauty game’ cu KKW Beauty.
JESSICA ALBA: Parti di su empresa multimillonario Honest Company ta e linea di makiyahe y beyesa.
