E actriz Tanya Roberts a muri algun ora despues cu su representante a anuncia prematuramente su morto, mientras cu e tabata sigui lucha pa su bida den un hospital di Los Angeles. Segun e portal TMZ a publica, tabata Lance O’Brien, pareha di e artista, ken a revela cu el a ricibi un yamada di un di e dokternan, cu e ex-Bond girl a fayece dialuna poco despues di 9’or di anochi. E condolencianan pa e fayecimento di Tanya a cuminsa surgi poco despues cu su agente, Mike Pingel, a notifica cu e artista di 65 aña di edad a muri den e Hospital Cedars-Sinai na Los Angeles diadomingo; sin embargo, oranan despues a revela cu e tabata sigui na bida aunke den estado critico.

Te na e momentonan aki tin e informacion cu Tanya Roberts tabata sufri di un enfermedad cu tabata provoca un insuficiencia hepatico y renal. Tambe ta ser bisa cu su malestarnan a cuminsa bispo di Pasco, momento cu el a ser interna den hospital, unda a descarta su contagio di Covid-19 aunke nan mester a pone na mashin prome cu su estado deteriora. Tanya a haya fama danki na su participacion den e serie Charlie’s Angels, pa e rol di e heroina comico Sheena y un Bond girl den ‘A View to a Kill’, y pa su rol como e mama di Donna Pinciotti, Midge, den e serie.

LEAVE A REPLY

Please enter your comment!
Please enter your name here