E capitulo nobo titula “And Just Like That…”, ta protagonisa pa Sarah Jessica Parker, Cynthia Nixon y Kristin Davis. Kim Cattrall, ken a interpreta Samantha Jones den e serie original, no lo regresa. Parker, Nixon y Davis tambe lo ta e productornan ehecutivo hunto cu Michael Patrick King. E serie lo sigui Carrie Bradshaw (Parker), Charlotte York (Davis) y Miranda Hobbes (Nixon) mientras nan ta nabega door di e biahe complica di bida y amistad den nan 30 te na e realidad ainda mas complica di e bida y amistad den nan 50, segun un comunicado di HBO Max.

E serie ta consisti di 10 episodio di mey ora y ta cuminsa cu e produccion na e ciudad di New York na final di primavera. Parker, Davis y Nixon a comparti e noticia riba Instagram diadomingo cu un treaser cortico. E video tin e imagennan di e ciudad di New York y un pantaya di computer, cual tin e frasenan manera “And just like that…” y “The story continues…”, cu ta skirbi y tin e stem di Parker. E post di Parker ta subtitula: “Mi no por a evita di puntra mi mes… ¿Unda nan ta awor?”

“Mi a crece cu e personahenan aki, y no por a spera pa wak con e historia lo ta evolucionado den e capitulo nobo aki, cu e honestidad, e conmocion, e humor y e ciudad stima cu a defini nos”: Sarah Aubrey, e directora di e contenido original di HBO Max, a comparti den un comunicado. “Sex and the City” a ser crea pa Darren Star basa riba su buki di su mesun nomber di Candace Bushnell na 1997. E serie original a estrena na HBO na 1998 y a extende durante seis temporada te na 2004. E espectaculo a converti den dos película, “Sex and the City” na 2008 y “Sex and the City 2” na 2010.

LEAVE A REPLY

Please enter your comment!
Please enter your name here