Adamari López, ta un actriz reconoci internacionalmente, e tabatin tur cos – un famia hopi keri, un pareha perfecto y un rol protagonico den un telenovela exitoso na Mexico – ora cu dos palabra a cambia su bida: “Bo tin cancer”. Den un rato su mundo a bin abou y full su bida a cambia diripiente. Sin duda su experencianan ta parce un script di un pelicula, cu un final feliz. Adamari ta un di e caranan latino mas keri di television door di su chispa y e capacidad cu el a demostra pa supera obstaculonan. E storia di e bida di Adamari López ta yena di alegria, drama y dolor, sin embargo den actualidad e ta gosa di un etapa hopi bonita. Su personalidad y e talento cu e ta posee, a spierta un gusto special pa e puertorriqueña, generando un laso special cu e publico.
E storia di e bida di Adamari López ‘Ada’ manera nan ta yame cariñosamente, tabatin tur cos y gosando di e exito di su carera profesional, ora cu nan a diagnostica cu e tin cancer di pecho. Sin duda, desde e momento ey e lucha a cuminsa pa supera e bataya di mas grandi, cu el a ser enfrenta cu ne. Adamari mester a somete su mes na tratamento- y cirugianan ora cu el a duna di conoce na 2006, cu el a supera e devastador enfermedad. Aunke e por a hala rosea despues di tanto tempo, ainda felicidad no a toca su porta, paso su relacion sentimental cu e cantante Luis Fonsi a cuminsa a bin abou. Na 2009 nan a anuncia cu e matrimonio ta yegando na su fin. Pa mas prueba cu bida a mande, e fortalesa di Adamari hamas a paga.
Cu tempo, el a bolbe television y añanan despues e por a hari di nobo. Durante su participacion den e programa ‘Mira Quien Baila’ el a conoce Toni Costa, un bailarin spaño cu a logra di conkista su curason. Actualmente nan ta forma un famia bunita hunto cu nan yiu muhe Alaïa. “Prome cu mi a ricibi e diagnostico, mi tabata anda den bida sin proposito, sin un razon di ta un persona diferente. Locual a toca mi pa biba a haci mi falta pa bibe. Mi mester a pasa den e experencianan doloroso aki, pa por ta e muhe cu mi ta awendia, un miho version di mi mes.”
Despues cu su yiu a nace, e presentadora di e programa matutino ‘Un Nuevo Día’ a bolbe experimenta cambionan na su curpa, pero e biaha aki ta door di su peso. Hopi biaha Adamari López tabata victima di e comentarionan negativo, sin embargo, el a purba ignora nan pa evita afecta su estado di animo. Sin embargo, como proposito di aña, Adamari a dicidi pa focus riba modificacion di su estilo di bida. Awo e ta come mas saludabel y ta practica ehercicio cu frecuencia, cu e obhetivo pa ser un ehempel pa su yiu muhe y su siguidonan. No tin duda cu Adamari López ta un gran luchadora. Su fortaleza y enterno sonrisa e dune un rumbo di bida nobo y bunita.
