E ex Miss Universo, Amelia Vega (36), cu ta cantante y modelo, ta conoci como e unico representante cu a gana e corona di Miss Universo pa su pais Republica Dominicana. E ex reina di beyesa ta feliz cu e yegada di su di cuater yiu, cu ta un mucha muhe. Amelia ta mama di: Ean (5), Alía (3) y Ava Amelia (2).
Recientemente Amelia a comparti riba su rednan social un serie di potret hunto cu su famia ilustrando su ultimo etapa di embaraso. Amelia a post: “Desde cu mi a haya sa cu bo ta biba den mi, solamente mi ta soña cu e dia ey. Contando e dianan pa e “cita a ciegas”, cu bo sa cu bo lo sali namora. #OurBaby# Baby4#BabyGirl#.” Den e serie di imagen Amelia y su pareha, e basketbolista Dominicano Al Horford, ta brasa y ta tene bariga di Amelia. Amelia ta spera su baby e luna aki.
