Harry Brant, yiu di e supermodel, Stephanie Seymour, y editor multimiyonario Peter Brant, a muri tragicamente despues di un ‘overdosis accidental’, segun cu a ser confirma den un comunicado pa e famia. Harry a nace na 1996 y cu tempo el a converti den un miembro prominente di New York socialite. For di New York Fashion Week te na Met Gala, Harry a aparece den varios evento importante na e ciudad di New York. E tabata asina jong, pero el a experimenta hopi cos den su bida asina cortico.
E famia a comparti den e comunicado cu Harry no tabata solamente un yiu, pero tambe un ruman maraviyoso, un nieto cariñoso, un tio faborito y un amigo cariñoso. E tabata un alma creativo, amoroso y poderoso, cu a trece luz den curason di hopi persona. E tabata berdaderamente un persona bunita di pafo y paden.” E famia di e hoben tambe a bisa cu e modelo tabata spera di supera su adiccion y tabatin plan di interna den un rehabilitacion den un par di dia. “Semper nos lo ta tristo paso su bida a wordo kita pa e enfermedad aki”, su sernan keri a bisa NYT. “El a logra hopi den su 24 aña, pero nunca nos lo tin e oportunidad di wak cuanto mas Harry por a haci.”
