Awe den e ceremonia di inauguracion di President Joe Biden na Washington, D.C., Lady Gaga a subi e stage y a deslumbra e nacion cu su interpretacion conmovedor di e himno nacional. Pa e ocasion trascendental, e pop superstar a bisti un Schiaparelli Couture ball gown personalisa. El a acentua su look cu un broche grandi di un paloma oro (un emblema di paz), cu lo pasa pa historia.
Poniendo su propio toke cu un elegante ‘updo’, Gaga su cabey largo platinum tabata gevlecht den e estilo di ‘milkmaid braids’ cu tabata lora den un cinta preto suntuoso riba su cabes. Añadiendo un detaye di suavidad, na su cara, algun drachi di cabey tabata sali na cada banda, mientras cu un par di e flor poppies cora, un otro seña pa un futuro pacifico, tabata gepin e parti patras den su cabey.
Aunke su makiyahe tabata clasico y romantico, e tono perfecto di lipstick cora, a mustra apropia pa un dia asina vibrante, pero tambe e color intenso ta manera un simbolo di emporderamento di e hende muhenan. E resto di e makiyahe tabata suave y luminoso. Pa crea e look, Sarah Tanno, Gaga su makeup artist di semper, a pinta e lipnan di e superstar, cu Haus Laboratories Le Monster Matte lip crayon warm red 1950. Un tono cu ta simbolisa cierto glamour di Old Hollywood.
