De Prinses van Oranje, 2020. Beeld: © RVD – Martijn Beekman

Prinses van Oranje, Amalia, e yiu muher mayor di rey Willem-Alexander y reina Máxima, atrobe a wordo chercha pa su aspecto fisico. E biaha aki den un episodio di e programa di television De TV Kantine. E comediante Najib Amhali, a bisti un peluca blond y un shimis blauw, hopi parecido na esun cu e prinses di 17 aña tabatin bisti pa e potretnan real di zomer ultimo.

Despues di e acto aki di e comediante, a sigui un cantidad di critica pa e humiliacion cu el haci di kroonprinses Amalia. Entre e reaccionnan tabatin tambe e columnista di De Volkskrant, Arthur van Amerongen, cu a post riba su Twitter cu mester papia over di ‘vetschamen’ y ta escandaloso con Najib Amhali, ta retrata nan prinses stima, Amalia, manera un Linda de Mol hopi obeso y na estado. Bah.Tur esaki ta pa gana ratings. No tabata van Amerogen so ta e unico cu a sali na defensa di e futuro reina, pero tambe e periodista Sylvia Schaffrach, cu a dirigi un carta na e comediante: “Amalia no solamente tin 17 aña, e ta tambe e futuro reina di Hulanda. E no a pidi, esaki ta su destino. E ta e primogenito di Willem-Alexander y Máxima y su futuro ta mas of menos seya”, ta skirbi den e prome lineanan di e carta.

LEAVE A REPLY

Please enter your comment!
Please enter your name here