E prediccionnan a ser cumpli, e yiu di e casa di e vice-presidente di Merca, Kamala Harris, ta drenta completamente den e mundo di moda. Casi un luna pasa na e ceremonia di e inauguracion di Joe Biden como e presidente di Merca, Ella Emhoff, tabata e centro di atencion danki na su estilo. E tabatin bisti un trahe di Miu Miu, un beauty look manera cu e ta mustra riba su rednan social. Ella ta un amante di moda, y ta studia na e prestigioso Parsons School of Design, unda e ta laga tur su creatividad los, incluso den algun post riba su Instagram por nota, cu e ta traha un variedad di piesa cu e ta brei.
Pronto nos lo mira Ella den colaboracion cu algun marca di moda, y e luna aki cu mester celebra New York Fashion Week, cu door di e situacion sanitario e ta den un forma digital y cu un cantidad minimo di asistente. Proenza Schouler a haci su presentacion Fall 2021 a traves di un video, e prome salida, un modelo cu un saya y jacket cu ta match, e di dos tabata Ella Emhoff, bisti cu un jacket shinishi ‘oversize’, carson hancho den mesun tono, keds blanco y un tas preto.
