Un hende muhe cu ta parce ‘cu no ta involucra y no ta asocia’ cu e atake, a hiba e cachonan ayera alrededor di 6or di atardi na LAPD’s Olympic Community Police Station. E dos French bulldogs di Lady Gaga a ser haya despues cu nan a ser horta y a tira e ‘dog walker’, Ryan Fischer, diaranson anochi riba Sierra Bonita Avenue. Un representante di Lady Gaga y un detective a bay na e stacion di polis y a confirma e identidad di e cachonan, Koji y Gustav.
No e keda aclarea di biaha ta con e muhe a haya e cachonan, pero a informa AP cu ta parce cu e no tin nada di haber cu e atake di diaranson anochi. E momento ey, Gaga tabata na Italia filmando un pelicula y el a laga su cachonan pa Ryan Fischer cuida nan. Un video turbulento di e incidente obteni pa TMZ ta mustra Fischer, di 30 aña, ta wordo confronta pa e dos hombernan cu ta sali for di un auto. Ryan ta ricibiendo un atencion extraordinario den hospital y su dokternan ta spera cu e ta bay recupera por completo, segun un comunicado di e famia.
